Uzun ovuc əzələsi

Uzun ovuc əzələsi (PL) - saidin ön əzələ qrupuna aiddir və ən səthi yerləşən əzələdir. Quruluşu hər kəsdə fərqli ola bilər, insanların 10-15%-də isə ümumiyyətlə yoxdur. 

Başlanğıc

• Bazunun medial epikondilusu- epicondylus medialis humeri 

Bağlanma

• Ovuc aponevrozu

İnnervasiya

• Orta sinir - N. medianus (C6–C7 kökləri)

Qan təminatı

Ön dirsəyin qayıdan arteriyası - A. ulnaris recurrens anterior 

Funksiya

M. palmaris longus həm bilək, həm də dirsək oynaqlarınının zəif bükücüsüdür. Digər funksiyası isə xüsusən yumruq sıxılarkən palmar aponevrozu və dərini gərməkdir.

Klinik əhəmiyyət

Bəzi tədqiqatlara əsasən PL mövcudluğu yumruq sıxma gücünü artırır. Bununla belə, said əzələləri arasında funksional baxımdan ən əhəmiyyətsiz əzələ sayılır. Buna görə onun uzun vətəri əl cərrahiyyəsində vətər və bağ bərpası əməliyyatlarında işlədilir.