Biz, fərqli ölkələrdə yaşayıb-çalışan həkimlər və tibb tələbələriyik. Bizi birləşdirən dəyər, Azərbaycan tibb təhsilinə və əhalinin tibbi maarifinə töhvəmizi vermək istəyidir. Azərbaycan dilində tibbə və ümumiyyətlə təbii elmlərə aid etibarlı və ətraflı məlumat tapmaq, başqa dillərə baxanda, daha çətindir. Portalımız bu boşluğu doldurmağa yönəlib və daim genişlənən və yenilənən bilik mənbəyi rolunu oynayır. Layihəmizin daha bir məqsədi Azərbaycan dilini elmdə daha “işlək” və rəqabətkar vəziyyətə gətirməkdir. Portaldakı məlumatın düzgünlüyü, asanlığı və dünya elmindəki ən yeni duruma əsaslanması ən ulu məqsədimizdir. Ona görə də, saytımızdakı materialın düzgünlüyü və aktuallığı naminə “peer review”-ya bənzər bir sistem qurmuşuq. Sizi də saytımızda müəllif olmağa çağırırıq. Bizə qoşulun!